НОВИ САД – На Радио програми по руски на нєдзелю, 7. юния, на 12:30 годзин будзе емисия Културна панорама.
У найновшей емисиї Културна панорама годно послухац, медзи иншим, як було ветераном фолклорней секциї РКЦ зоз Нового Саду на Фестивалу у Зворнику, алє и як чечу пририхтованя за два найвекши Фестивали бачванско-сримских Руснацох – 53. Петровски дзвон и 65. Червену ружу.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.