РУСКИ КЕРЕСТУР – Школяре Школи за основне музичне обвразованє (ШОМО) зоз Кули, зоз видзелєного оддзелєня у Руским Керестуре, Кристина Гарвильчак и Даниел Фейди посцигли барз добри успихи, обидвойо ше визначели и завжали перши места на вецей змаганьох.
На 16. Медзинародним фестивалу „Музична яр” котри отримани онлайн од 29. по 31. май у Смедереве, пецеро школяре ШОМО освоєли аж шейсц награди, а медзи нїма и Кристина Гарвильчак школярка трецей класи, перше место на клавиру зоз 95,33 боди. Попри нєй, на змаганю наградзени и Миона Полич, Дуня Кучински, Николас Хойсик, и Нина Дивич. За змаганє их пририхтали анставнїки Лїляна Барна Никитович, Мирко Преґун, и Кая Мандич Плавшич.
Пред тим, тиж на онлайн змаганю X Sirmium Music Fest, Кристина Гарвильчак тиж освоєла перше место зоз 95 бодами.
Зоз першим место нєдавно наградзени и Даниел Фейди котри ше змагал на 68. Фестивалу музичних и балетских школох Сербиї. Даниел, школяр штвартей класи ШОМО, на тамбури басприм освоєл аж 98,14 боди. Попри нього, наградзени и Николина Кирти, Лука Паїчич, и Боґдан Кулеба, а за змаганє их пририхтали Геленка Гарвильак, Александра Звицер, Бояна Футо, и Ярослав Кулеба.
