ВЕРБАС – На традицийним литературно-подобовим конкурсу котри того року орґанизовал Червени криж Вербас под назву „Крев живот значи” участвовали и школяре Основней школи „Братство єдинство” зоз Коцура.
По оценьованю фахового жирия, коцурски школяре зазначели красни успих. У катеґориї подобових роботох за младши возрост треце место завжали школярка I-3 класи Дуня Буґарски и школярка III-3 класи Тара Бокан, а у катеґориї литературних роботох перше место завжала тиж школярка Дуня Буґарски.
У катеґориї старшого возросту, дзе школяре посилали кратки СМС порученя, як промоцию и поволанку на добродзечне даванє креви, перше место завжала школярка VI-3 класи Аня Сакач, друге место школярка VI-2 класи Александра Ничич и школярка VI-3 класи Ребека Суботин, а треце место завжала школярка VI-2 класи Ваня Фаркаш.
Зоз школярами на додзельованю наградох були и їх менторки учительки Мария Полдруги и Виолета Рашета, як и наставнїца сербского язика Бояна Петрович.
