[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним тринастим чишлє новинох „Руске слово” рубрика „Тижньовнїк“ пише о штвартей схадзки Националного совиту Руснацох, а ту и обсяжнєйши текст о актуалносцох з керестурскей Школи „Петро Кузмяк”.
На бокох рубрики „Нашо места” мож пречитац о збуваньох у вербаскей и шидскей општини, о ушорйованю желєних поверхносцох у вецей наших местох, а тема того числа бриґи зоз старима хижами у Новим Садзе. Рубрика „Економия” пише о конкурсу хтори Покраїнски секретарият за польопривреду розписал за старецки реґистровани ґаздовства.
О вецей подїйох у обласци култури у Коцуре, финансийней потримовки здруженьом у жабельскей општини, як и о премиєри дзецинскей представи у Руским Керестуре пишу боки рубрики „Култура и просвита”.
„Духовни живот” зазначел преславу Квитней нєдзелї у Руским Керестуре, ту и надосц вистки з других наших парохийох, док на бокох рубрики „Людзе, роки, живот” представени бициґлар Владимир Маґоч з Коцура и предлужени фельтон о двох рочнїцох нашей Установи.
„Спорт” пише о резултатох фодбалских клубох з наших местох, о керестурских интернатянох котри були на Спортскей домияди, а зазначел и остатнї успихи каратистох „Русину”, та атлетичара Даряна Белака.
Додаток у тим чишлє „Дом и фамелия”, хтори пише о наиходзацей Велькей ноци, а ту и нова „Женоблоґия”.
[/vc_column_text]