[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним дзеветнастим чишлє новинох „Руске слово” рубрика „Тижньовнїк“ пише о меншинских правох на националним уровню и о 70. рочнїци побиди у Другей шветовей войни, док рубрика „Нашо места” зазначела преславу Дня побиди над фашизмом по наших местох, як означени Дзень Дюрдьова на Дзуря и цо ше робело на першей креативней роботнї за дзеци у парохийним доме у Сримскей Митровици.
Боки „Економиї” обсяжно пишу о нєдавно отвореним 82. Медзинародним польопривредним сайме у Новим Садзе, а на бокох „Култури и просвити” зазначене як було з нагоди преслави 250 рокох образованя у Коцуре и вистка о нєдавним госцованю Хора „Розанов” у Нємецкей.
На бокох „Людзе, роки, живот” мож пречитац ище єдно предлуженє фельтону „Ґу ювилейней рочнїци „Руского слова”, а ту и приповедка єдного шведка-борца Руснака хтори участвовал и прежил Другу шветову войну.
„Духовни живот” пише як преславени Кирбай у Руским Керестуре и як ше швецело жито на Дзуря по наших парохийох.
Попри зазначених резултатох наших фодбалских клубох, „Спорт” пише и о окружним змаганю школярох-атлетичарох у Зомборе..
„Дом и фамелия” у тим чишлє новинох вишла як додаток и пише о людзох хтори свойо идеї претворели до заробку, а ту и нова Женоблоґия.
[/vc_column_text]