[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним двацец пиятим чишлє наших новинох „Руске слово” рубрика „Тижньовнїк” окремне место пошвецела образованю по руски у Коцуре, як и 13. Шветовому конґресу Русинох/Руснацох/Лемкох у Румуниї.
Боки „Нашо места” пишу о бриґох хтори маю Шидянє после велькей нєпогоди, а ту и вистки з Вербасу, Дюрдьова, Керестура. На тим боку и текст о помоци хтору Голандянє и того року принєсли до Коцура.
„Економия” пише о оцени фаховцох з Польопривредней служби Вербас о керестурскей паприґи, як и о початку жатви ярцу у коцурским хотаре.
Боки „Култури и просвити” зазначую активносци КПД „Дюра Киш” у Шидзе, алє и як було на 61. Швету култури Русинох-Українцох у Свиднїку у Словацкей, та як прешли закончуюци испит школярох осмих класох у наших школох. На тих бокох, „Руске” наявює и Фестивал рускей култури „Червена ружа”.
„Мозаїк” понука розгварку з Ивану Медєши з Керестура и текст о наградзених студентох Новосадского универзитету.
Боки рубрики „Людзе, роки, живот” читачох упознаваю з Ярославом Варґом, студентом теолоґиї у Канади, а ту и перше предлуженє напису о паломнїцтве по восточней Словацкей, Польскей и Закарпатскей обласци України.
„Духовни живот” пише о духовних вежбох за старших у Руским Керестуре и о духовних вежбох за священїкох у Шидзе, та о Школярским дню у Водици.
На боку „Спорт” розгварка з тренером фодбалерох керестурского „Русину” Златком Саянковичом о законченей сезони, а як додаток вишло „Литературне слово”.
[/vc_column_text]