[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним двацец дзевятим чишлє новинох „Руске слово” рубрика „Тижньовнїк” пише о менованю Школского одбора у керестурскей Школи, о ефектох приватизациї локалних медийох у Вербаше и Шидзе, а представя и резултати и водзаци напрямки проєкту „Развионица” як моделу за наявену реформу образовней системи.
Боки „Нашо места” зазначели схадзки скупштинох општинох Вербас и Кула, на хторих принєшени вецей одлуки, медзи хторима и одлуки хтори ше одноша на ЯКП „Руском”, а ту и текст о єднорочним искустве явного превожнїка „Путоказ” хтори роби у општини Кула. На тих бокох наявена и Акция „Дай и ту свою руку” у Коцуре.
„Економия”, медзи иншим, пише о предаваню ґереґох у Дюрдьове, як и о вибудови хладзальнї у Бачинцох.
„Култура и просвита” на своїх бокох пише о госцованю Бикичаньох у Польскей и змаганю подобових уметнїкох у кулскей општини. У тей рубрики представена найновша кнїжка „Осце и черешнї” Агнети Бучко Папгаргаї, а ту и розварка зоз тогорочну побиднїцу за найкрасши дзивоцки глас на Фестивалу „Червена ружа” Йовану Ноґавицу.
„Людзе, роки, живот” представяю читачом Владимира Дудаша, маляра аматера з Руского Керестура и Невенку Бобаль з Бикичу, длугорочну активистку у култури.
„Духовни живот”, медзи иншим, пише о Еколоґийним сходзе у Водици, о преслави швета пророка Илиї, а „Мозаїк” представя Ивана Киша з Дюрдьова, студента на Академиї уметносцох у Новим Садзе.
[/vc_column_text]