[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним трицец другим чишлє новинох „Руске слово” рубрика „Тижньовнїк” зазначела подписованє Спорозуменя о сотруднїцтве помедзи Школу у Керестуре и Школу у Попрадзе у Словацкей, а ту и тема о актуалним предаваню локалних медийох.
Рубрика „Нашо места”, медзи иншим, пише о схадзки Совиту Месней заєднїци и Волонтерским кампу у Руским Керестуре, а ту и вистки зоз Шиду о туристичним розпатраню Лєтнєй владическей резиденциї у Шидзе.
„Економия” на своїх бокох пише о палєнчарки Деси Варґовей зоз Коцура, а на тих бокох наявена и Манифестация „Днї керестурскей паприґи”.
У рубрики „Култура и просвита” пишеме о упечаткох зоз Шестей подобовей колониї у Шидзе и судьби скулптури Дюри Костелника у Вербаше, а пишеме и о наиходзацим Фестивалє жридлового шпиваня „Най ше нє забудзе” у Дюрдьове.
На бокох рубрики „Духовни живот” зазначене як означени швета Преображенє и Маковея у рускокерестурскей парохиї, а информуєме и о тим як чече адаптация старовербаскей парохиї.
„Мозаїк” пише о двох манфестацийох за младих хтори прешлого викенду отримани у Дюрдьове, понука розгварку зоз младим ґлумцом Михайлом Планкошом, док рубрика „Людзе, роки, живот” упознава читачох зоз длугорочним дюрдьовским байбером Любомиром Сивчом и з роботу Тамбурового состава „Коцурски бетяре”.
На „Спорту” мож пречитац текст о Спортских бавискох „Яша Баков” у фодбалу и мемориялним турниру на чесц Владимирови Чижмарови у Вербаше, а як додаток вишла „Дикица”.
[/vc_column_text]