[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У трицец осмим чишлє новинох „Руске слово” рубрика „Тижньовнїк” пише о сходу Координациї националних совитох у Ковачици, а ту и тема о билинґвалносци и важносци ученя и знаня вецей язикох, а з нагоди означованя Европского дня язикох.
Рубрика „Нашо места” пише о новим просторе и реконструкциї Рибного пияцу у Новим Садзе, о зашеданю Шветовей ради Руснацох/Русинох/Лемкох у новим зволаню хторе було у Старих Янковцох и новим успиху младих новоораховских огньогасцох.
На бокох „Економиї” мож пречитац як чече ламачка у наших хотарох и яку ше цену понука за кукурицу, як и о хлороґену цо би хлоровал воду у Керестуре.
Боки рубрики „Култура и просвита” пошвецени интервюу зоз Олґу Карлаварис, длугорочну редакторку култури у Рускей редакциї РТВ як и о означеней 70. рочнїци од народзеня Серафини Макаї .
У рубрики „Людзе, роки, живот” зазначене як випатраю перши пензионерски днї Славка Сабола и о його длугорочней роботи у Заводзе за учебнїки у Новим Садзе, док у „Мозаїку” читаче можу пречитац цикави тест о тим же цо видумал Александар Бесерминї же би студенти лєгчейше дошли на шалтер, а представена и асистентка на ПМФ Тамара Хрин.
Рубрика „Духовни живот” пише як преславени Кирбай у Дюрдьове, а рубрика „Спорт” о резултатох наших екипох у локалних фодбалских лиґох и Турнире ветеранох у малим фодбалу у Новим Орахове, хтори бул у рамикох Спортских бавискох „Яша Баков” прешлей соботи.
У тим чишлє вишли и два додатки – „Литературне слово” хторе з векшого пише о поганским, маґийним и обрядним у нашей литератури, док други додаток – „Дикица” полни зоз шмиховальнима валалскима причтами.
[/vc_column_text]