[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
Tрицец дзевяте число новинох „Руске слово” у рубрики „Тижньовнїк” пише о становискох и меншинских правох о хторих ше бешедовало у Беоґрадзе зоз представителями Координациї националних совитох и делеґацию Европского парламента, як и нащиви делеґациї НС Руснацох дакедишньому Керестуру у Словацкей. На тих бокох и тема о тим же як прешол Штварти конґрес русинского язика у Прешове.
У рубрики „Нашо места” пише о року роботи Ерсте банки у Керестуре, новим Каритасовим проєкту, як мож у жабельскей општини дойсц до лїкох прейґ телефона и о копаню яркох у Керестуре.
На бокох „Економиї” мож пречитац о пошлїдкох завераня гранїцох пре вельке число вибеженцох зоз Азиї и продукциї олєйового репченю у вербаскей општини, док боки рубрики „Култура и просвита” пишу о творчосци филмского режисера и режисера Славуя Хаджича, о Руснацох на Фестивалу фолклору Войводини и як означени Дзень европских язикох по наших местох.
У рубрики „Людзе, роки, живот” пише о младому Американцови хтори пришол до Коцура, нащивиц свою дїдовщину, и о салашскей краси и живоце Янка Мудрия зоз Дюрдьова.
Рубрика „Духовни живот” пише о Каритасу и вибеженскей кризи, док у „Мозаїку” красни путопис двох керестурских байкерох. Ту и рубрика Медзипростор.
Рубрика „Спорт” дава прегляд зоз локалних лиґох и информацию зоз схадзки Роботного цела за спорт НС хтора отримана у Вербаше а на хторей найзначнєйша точка була вочи означованя 25. СБ „Яша Баков”.
[/vc_column_text]