[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним штерацетим чишлє новинох „Руске слово” рубрика „Тижньовнїк” розпатра формованє Приручней библиотеки Руснацох при Заводу за културу войводянских Руснацох и одгуки Беоґрадского безпечносного форуму.
На бокох „Нашо места” мож пречитац до хторих проєктох ше уклада средства у вербаских явних подприємствох, а ту и напис о пририхтованю за преславу Националного швета Руснацох у Кули. У тей рубрики и вистки з Дюрдьова и Коцура, як и текст о нащиви полицайкох дзецом у керестурскей оводи. „Економия” пише о законченю паприґарскей, а о початку сезони вибераня цвикли.
„Култура и просвита” зазначела промоцию преложеней кнїжки Штефана Гудака на українски язик, а ту и текст о Медзинародней конференциї у Слупску у Польскей. О новооснованей музичней школи у Вербаше и схадзки Орґанизацийного одбору „Червеней ружи” пише на 16. и 17. боку.
Интересантни живот Мариї Гайдуковей з Руского Керестура и о стретнуцу з дюрдьовским шнайдером Йовґеном Папуґовим пишеме у рубрики „Людзе, роки, живот”.
„Мозаїк” представя младу адвокатку Силвию Орос з Керестура и упознава читачох зоз водительками емисиї за младих „Останьце нашмеяни”, док „Духовни живот” пише о виронаучней настави по наших школох и парохийох. „Спорт” и у тим чишлє зазначел резултати наших фодбалских клубох у своїх змагательних лиґох.
[/vc_column_text]