[one_third]
Насловни бок числа 44 зоз 2014. року
[/one_third]
[two_third_last]У штерацец штвартим тогорочним чишлє новинох “Руске слово” у рубрики “Тижньовнїк” обявени прелиминарни резултати виберанкох за Национални совит Руснацох и огляднуце на виберанкови процес.
На бокох рубрики “Нашо места” тексти о схадзки Скупштини Општини Кула, о ушореню Лєтнєй владическей резиденциї у Шидзе, а найвекша увага пошвецена проблему з депонию шмеца у Коцуре.
“Економия” пише о ламачки у хотарох по наших местох, о початку шатви жита, док рубрика “Духовни живот” обрабя тему “ментална еволуция”.
На “Култури и просвити” у тим чишлє новинох интервю з проф. др Любомиром Белейом, текст о трибини з Михалом Рамачом у Заґребе, як и о Аранки Медєши, котра достала Награду “Василь Турок Гетеш”.
На бокох “Людзе, роки, живот” представени Яким Дудаш Мийов з Керестура, котри прекрочел дзевяту децению, а на своїх спортскх бокох “Руске”, медзи иншим, пише о медальох хтори освоєли члени Карате-клубу “Русин” и о 100-рочнїци ФК “Войводина”.
Додаток “Дом и фамелия” пише о вакцинованю, а ту и нова “Женоблоґия”.[/two_third_last]