[vc_single_image image=”533″ image_size=”full” frame=”noframe” full_width=”no” lightbox=”yes” link_target=”_self” shadow=”yes” width=”1/3″ el_position=”first”] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У штерацец осмим тогорочним чишлє “Руске слово” рубрика “Тижньовнїк” пише о нових зволаньох националних совитох других националних меншинох, як и о звиту Покраїнского омбудсмана о применьованю Закона о националних совитох.
На бокох “Наших местох” текст о тим як кулска Општина будзе помагац фамелийом з дзецми, а ту и напис о проблемох з ярками у Шидзе.
“Економия” приноши поради фаховцох за польодїлство и овоцарство, як и текст о керестурских паприґарох котри були на едукативно-туристичней екскурзиї у Врнячкей Банї.
Рубрика “Духовни живот” пише о трох рочнїцох у Ґосподїнцох, а “Култура и просвита” и о Виберанковей скупштини Дружтва за руски язик, литературу и културу, як и о Рочним концерту КУД “Жатва” у Коцуре.
На бокох “Людзе, роки, живот” представена академска малярка Ґорану Бильня з Вербасу, док “Мозаїк” преноши упечатки Кристини Цветкович з Нового Саду, котра участвовала у програми “Робиц и путовац у Америки”.
“Спорт” пише о шаховских партийох Владимира Лазора, та о Керестурцох котри у каратеу освоєли осем медалї. Як додаток вишло “Руске слово у швеце”, хторе почина серию написох о витворйованю културней самоуправи Руснацох у других жемох, у тим чишлє у Горватскей.
[/vc_column_text]