БЕОҐРАД – У церкви Вознесения Пречистей Дїви Мариї у Београдзе, ткв. Французкей церкви, всоботу, 10. юния отримане рочне стретнуце волонтерох Каритасу Сербиї, хторому домашнї бул його предсидатель – архиепископ беоґрадски Станислав Хочевар.
На Стретнуцу було 200 волонтерох Каритасу, занятих у Каритасу и його симпатизерох зоз шицких римокатолїцких владичествох у Сербиї, а з нашого Апостолского еґзархату на Стретнуцу присуствовали 70 особи, найвецей з Керестура и Коцура, алє и з Кули и Сримскей Митровици.
З волонтерами були и нашо священїки – дотерашнї директор Националного Каритасу о. Владислав Варґа и бачински парох о. Дарко Рац, як и вивершни директор Каритасу Апостолкского еґзархату Янко Катона.
Стретнуце почало зоз Службу Божу, а потим шицки винєсли добри приклади у активносцох свойого Каритасу, медзи нїма и млади з керестурского и координаторка коцурского Каритасу ш. Михаїла Воротняк. Директоре каритасох винєсли плани активносцох за тот рок.
