Уручени контракти представнїком високообразовних институцийох

автор В. Вуячич
156 Опатрене

НОВИ САД – У голу Покраїнскей влади, вовторок 23. априла, уручени ришеня о додзелєних средствох на основу двох явних конкурсох за финансованє наукововиглєдовацких и розвойновиглєдовацких проєктох националних меншинох – националних заєднїцох и за финансованє проєктох хтори ше занїмаю зоз виглєдовацкоуметнїцку творчосцу у обласци уметносци у АП Войводини.

Ришеня уручел покраїнски секретар за високе образованє и наукововиглєдовацку дїялносц проф. др Зоран Милошевич, а Покраїнска влада прейґ ресорного секретарияту, обезпечела 16 милиони динари за реализацию 32 проєктох.

Медзи одобренима проєктами и проєкт Синхрония и дияхрония у русинистики – язик, литература, история и култура. Руководителька проєкта доц. др Ана Римар Симунович, а члени проєктного тиму и проф. др Михайло Фейса, доц. др Александар Мудри, проф. др Алексей Кишюгас и проф. др Дюра Гарди.

Хвильки зоз додзельованя ришеньох мож опатриц на тим линку.

ПОВЯЗАНИ ТЕКСТИ