Зазначени красни резултати

автор Д. Барна
107 Опатрене

ЧЕРВИНКА – У Червинки, пияток, 19. априла отримане Општинске школске першенство у атлетики у рижних дисциплинох.

Основну и штредню школу зоз домом школярох „Петро Кузмяк” зоз Руского Керестура представяли коло 30 школярох и зазначени шлїдуюци резултати: Основну школу представяли 20 школяре од 2. по 8. класу, а найуспишнєйши були – Матия Чапко хтори завжал 2. место и Тедей Виславски хтори завжал 3. место.

На Окружне змагане ше пласовали лєм школяре хтори завжали 1. место, а тот пласман виборели шлїдуюци школяре: Кристина Сопка, Валентина Надь, Дюла Фаркаш и Теодор Штранґар.

Штредню школу представяли 9 школяре, а пласман по дисциплинох бул шлїдуюци:

Бежанє на 100м (дзивчата) – 1. место завжала Лена Боґданович, 2. место завжала Симона Петрович, док 3. место припадло Николини Павлович.

Руцанє кулї (дзивчата) – 1. место завжала Андєла Ледєнац, а 3. место завжала Мия Чордаш.

Бежанє на 100м (хлапци) – 1. место завжал Алекса Митрович.

Бежанє на 400м (хлапци) – 1. место завжал Алекса Ґржель.

Скок до далєка (хлапци) – 1. место завжал Йован Олуїч.

До шлїдуюцого кругу змаганя ше пласовали: Лена Боґданович, Андєла Ледєнац, Алекса Митрович, Алекса Ґржель и Йован Олуїч.

Општинске школске першенство у атлетики орґанизовало „Здруженє педаґоґох физичней култури” Општини Кула.

ПОВЯЗАНИ ТЕКСТИ