ВЕЛИКА ҐОРИЦА (ГОРВАТСКА) – На тогорочним Фестивалє „Вистава кантавторох” (Експосуре мусиц фестивал) у Великей Ґорици коло Заґребу, у Горватскей, хтори ше отримує од 22. по 25. юний, участвує и наш познати кантавтор Сашо Палєнкаш з Руского Керестура.
Того року на Фестивалє участвую 30 виводзаче з дзешец европских жемох, медзи нїма и шесцеро зоз Сербиї, ктори свойо авторски композициї виведу на осем бинох.
Як стої у наяви, интересантносц того фестивалу и же публика окружена з осем бинами на хторих осем виводзаче котри граю по єдну шпиванку и зменюю ше на бинох у напряме мунтатовох на годзинки и так кажди грає по пейц свойо композициї.
Сашо Палєнкаш на Фестивалє у Великей Ґорици наступа зоз свома шпиванками по руски.