РУСКИ КЕРЕСТУР – Фодбалски клуб „Русин” всоботу, 4. мая у дзешатим колу першенственого стретнуца ПФЛ Зомбор, у Руским Керестуре на Ярашу одбавел процив екипи ФК „Соко” зоз Новей Ґайдобри и зазначел побиду зоз резултатом 4:2.
Русин бавел у составе – Михайло Надь (Филип Тома), Боян Голик, Грньчар Иґор, Александар Кочиш, Деян Будински (Велько Шомодї), Михаило Божович, Дарко Сушич, Матей Саянкович, Матей Кршич, Илия Йованович и Деян Чернок (Деян Барна). Ґоли за Русин дали: Михаило Божович, Илия Йованович, Матей Саянкович и Дарко Сушич.
У идуцим 11. колу ПФЛ Зомбор, на соботу, 11. мая Русин будзе бавиц у Червинки процив екипи ФК „Црвенка” у општинским дербию, а стретнуце почнє на 17 годзин.
