КОЦУР – Фодбалски клуб „Искра” внєдзелю 5. мая одбавела у Коцуре дзешате першенствене стретнуце ПФЛ Суботица, дзе бавела процив екипи ФК „Томиславци” и зазначела найважнєйшу побиду у дербию зоз резултатом 2:0.
Искра наступела у составе – Мирослав Ступар, Марко Секулич, Лазар Милованович, Зоран Сердар, Мариян Малацко (Дьордє Байчич), Дамир Мачиженски, Борис Бодонї, Дамян Ґубаш, Миливой Ґаджич, Давид Неделькович (Ненад Надь) и Данило Янкович. Ґоли за Искру дали: Данило Янкович и Зоран Сердар.
После велькей побиди у дербию ФК „Искра” ше находзи на крочай од историйного успиху клуба, а то пласман до висшого ранґу – Войводянскей лиґи.
Идуце 11. першенствене стретнуце ПФЛ Суботица, ФК Искра будзе бавиц на нєдзелю 12. мая у Сербским Керестуре процив екипи ФК Єдинствo, а стретнуце почнє на 17 годзин.
