НОВИ САД – На Продуктней берзи у Новим Садзе прешлого тижня предати 975 тони роби, цо 4,3 вецей як тидзень пред тим, а финансийна вредносц тарґовини була коло 15,86 милиони динари, цо два раз вецей як тидзень пред тим.
Найвецей ше тарґовело зоз житом, по цени од 14,5 до 15 дин за кґ (без ПДВ), а цена кукурици прешлого тижня спадла за седем одсто и предавана є по 20,46 за кґ.
Берзански индекс „продекс” уж треци тидзень за шором опадує и пияток виношел 207,88 индексни поени, цо за 11,67 индексни поени менєй як тидзень пред тим – сообщене з Продуктней берзи.