НОВИ САД – У орґанизациї Радио телевизиї Войводини на нєдзелю, 6. марца, у Студию М Радио Нового Саду будзе 26. Фестивал новей рускей народней шпиванки „Ружова заградка”.
На Фестивалє ше того року змагаю 16 нови композициї, а у ревиялней часци програми свою музичну творчосцу представи наш познати композитор Юлиян Рамач Чамо. Пред початком музичней часци Фестивалу, у голу Студия М буду виложени подобово роботи двох уметнїцох з Кули – Лидиї Барновей и Амалиї Ковачовей.
Отверанє виставох будзе на 19,30, а музична часц „Ружовей заградки”, з директним преносом на Трецей мрежи Радия РТВ и на Другей програми ТВ Войводини почнє на 20 годзин.