СРИМСКА МИТРОВИЦА – У церковней сали парохийного дому нашей церкви у Сримскей Митровици внєдзелю, на Други дзень Крачуна по юлиянским календаре, отримана пригодна програма о Исусовим народзеню. Програма отримана по Служби Божей, хтору салужел сримскомитровицки парох о. Владислав Варґа.
Пред числену публику, дзеци котри виучую руски и українски язик у Сримскей Митровици виведли драмску сличку о народзеню Исуса Христа „Вертеп”, а тоти котри нє глумели – шпивали, рецитовали и грали. Пририхтали их наставнїци котри з дзецми виучую спомнути мацерински язики – Моника Абодї Митрович и Славица Канюґа, зоз супругом Фечком.
На концу шицки вєдно одшпивали коляду „В Вифлеєми днес Мария Пречиста”, хтору увежбали з Даниєлу Горняк, а парохия и Мирослав Бесерменї учашнїком и присутним дзецом подзелєли коло 30 крачунски пакецики.