КУЛА – Предшколска установа „Бамби” Кула обявела лїстину приятих дзецох и лїстину дзецох на чеканю за упис до дзецинских заградкох за 2026/27. рок. Родичи резултати можу превжац зоз урядового сайту Установи або на тим линку
Як сообщене, векшина дзецох розпоредзена до жаданих дзецинских заградкох на основи витвореного числа бодох, возросту и капацитетох хтори на розполаганю. Часц дзецох, же би були облапени зоз уписом, розпоредзена до заменских дзецинских заградкох у складзе зоз лїстину жаданьох родичох.
Подписованє контрактох ше будзе окончовац у дзецинскей заградки до хторей дзецко прияте, у периодзе од 25. по 27. авґуст, у чаше од 8 по 12 годзин. За упис треба придац потвердзенє о вакцинованим статусу дзецка, а за дзеци хтори ше уписує до пририхтуюцей предшколскей програми треба же би придали и потвердзенє о лїкарским препатрунку.
Остатнї термин за подписованє контракту 1. септембер, а кед ше потамаль нє покончи, будзе ше тримац же родичи одустали од упису дзецка до Установи.
Зоз лїстини мож видзиц же ше на чеканю за упис до дзецинскей заградки „Цицибан” у Руским Керестуре находза осмеро дзеци.