СИВЕЦ – Министер култури Никола Селакович и предсидателька општини Кула, др Весна Томич, подписали контракт о додзельованю средствох у рамикох конкурсу Министерства култури Републики Сербиї Городи у фокусу 2026, по хторим за Дом култури у Сивцу опредзелєне 6 милиони динари.
Проєкт подрозумює оправки и отримованє обєкту Дома култури, ушоренє просториї за ґардеробу и набавку меблю, як и набавку сучасного озвученя и сценского шветла. Простор на пойдзе, хтори потераз нє бул хасновани, будзе претворени до функционалного депоа за чуванє народного облєчива, а народному оркестру буду набавени два нови гармоники.