КОЦУР – У Доме култури у Коцуре вчера вечар отримани традицийни Крачунски концерт, хтори орґанизовали КУД „Жатва”, КУД „Завичајно врело”, Дом култури и Євангелска церква. На Концерту приказани крачунски обичаї шицких конфесийох хтори исную у валалє.
Попри колядох и крачунских винчованкох, хтори виведли дзеци и старши члени спомнутих здруженьох, на Концерту виведзени и вецей танци, як и драмски слички, а шицки точки на даяки способ були пошвецени Христовому народзеню.
З танцами и шпиванками на Крачунским концерту у Коцуре госцовал ансамбл Дому култури Руски Керестур.
Концерт провадзела числена публика, хтора кажду точку привитала и наградзела з моцним аплаузом, а учашнїки друженє предлужели и по концерту у голу Дому култури, з музику.