НОВИ САД – Предсидатель Покраїнскей влади Иґор Мирович позавчером обишол роботи на валяню старого бидинку Радио-телевизиї Войводини и визначел же слово о єдним з найважнєйших проєктох у Сербиї, додаваюци же обчекує же о два лєбо два и пол рока будзе законечна вибудов нового будинку, хтори ше будзе пресцерац на 17 000 квадратних метерох.
Мирович гварел же после 18 рокох, од дня кед обєкт РТВ звалєни, почата велька робота, першенствено, як надпомнул, дзекуюци заєднїцким закладаньом Покраїнскей влади, покраїнского секретарияту за културу и Управи Радио телевизиї Войводини.
–Почали зме розчисцовац терен, за першу фазу роботох шицко порихтане и тераз обчекуєме же у даскелїх наиходзацих тижньох посцигнєме контракт за першу фазу. З тим бизме такой по законченю валяня вошли до реализациї остатнєй фази, вибудови самого обєкту – гварел Мирович.
Мирович наведол же вибудов нового будинку Радио телевизиї Войводини барз важни проєкт, бо з його реализацию вецей як 1 000 заняти у буду мац, як оценєл, можебуц найлєпши условия кед слово о змесценю и технїчних капацитетох у юговосточней Европи.
