НОВЕ ОРАХОВО – Внєдзелю, 14. юния у Войводини була нєпогода провадзена зоз моцним дижджом, витром и каменцом, хтора на польох и у овоцнїкох направела вельку материялну чкоду.
Найвекша нєпогода зазначена на териториї Бачкей Тополї, та и у Новим Орахове, коло Суботици, Нового Саду и Руми, пренєсли локални медиї.
Як за Рутенпрес доявели зоз Нового Орахова на польох каменєц побил урожай, страдали житарки, слунечнїк, кукурица, алє и овоцнїки и попри тим же виштрелєни и ракети процив каменцу.