НОВИ САД – У двацец пиятим числу новинох „Руске слово”, у рубрики Тижньовнїк пише о преслави 81-рочнїци нашей Установи, док на бокох рубрики Нашо места пише покля ше сцигло зоз поставяньом канализациї у Коцуре, о сходу Руснацох у Австриї, а ту и актуалносци зоз Кули, Шиду и општини Жабель.
Духовни живот значну часц пошвецел Фестивалу духовней музики „Емаус фест”, котри прешлого викенду отримани у Руским Керестуре, а ту и звит зоз Першей причасци у керестурскей парохиї.
У рубрики Куултура и просвита пише о концерту ШОМО оддзелєня у Керестуре, наявени и Фестивал тамбурових оркестрох „Мелодиї Руского двору”, а пише и о отриманим 53. „Петровским дзвону”.
Економия представела автотапетара Йоакима Раґая зоз Дюрдьова, док у рубрики Людзе, роки, живот мож пречитац розгварку зоз професором др Миланом Убавичом зоз Нового Саду.
Дружтво понука дзеветнасте предлуженє фельтону о трох ювилейох рускей ґимназиї, а на Спорту, окрем резултатох наших клубох у першенствених змаганьох, зазначене змаганє у вареню пасулї у рамикох Спортских бавискох „Яша Баков” у Коцуре.
Як додатки у тим чишлє вишли Руске словечко и Дом и фамелия и нови рецепт на бокох Хладок и горуци тепши.