ШИД – У Лєтней владическей резиденциї вчера, 18. юния закончени Духовни вежби хтори почали пондзелок, 15. юния на хторих бул преосвящени владика кир Георгий Джуджар як и свяшенїки зоз парохийох зоз Епархиї святого оца Миколая.
Як нам гварел о. мр. протоєрей ставрофор канцелар Епархиї и новосадки парох Дарко Рац, духовни водитель вежбох бул отец Мариян Леґенца, францискан зоз Риєки зоз Републики Горватскей.
Фра Леґенца мал викладаня о святому Францискови, о його духовносци, скромносци, худобстве и понїзносци.
Тиж у церкви Преображеня Господнього служени ранши Служби Божо як и Вечурнї и панахиди за упокоєних владикох и священїкох, а присуствовали и вирни зоз домашнєй парохиї Преображеня Господнього.
Слово о 15. Духовних вежбох хтори ше зоз закладаньом и трудом домашнього пароха о. Михайла Режака отримує у Шидзе.