ҐОСПОДЇНЦИ – У Ґосподїнцох на Вилїю пред Крачуном по юлиянским календаре пияток на 16 годзин було Крачунске саночне, хторе служели парох ґосподїнски о. Михаил Холошняй и о. Борис Холошняй, а всоботу, на Перши дзень Крачуна, о. Михаил Холошняй на Служби пошвецел и нови векши лустер опрез олтару.
Лустер парохиї подаровали Олґа и єй син Владимир Салонсково з Ґосподїнцох, а доручени є концом децембра з Києва, з України.
Вирни Ґосподїнчанє шицки три днї Крачуна преславели и на службох Божих, хтори служени на 11 годзин. На Други дзень було и мированє, а служби служели парох о. Михаил Холошняй и о. Борис Холошняй.