ДЮРДЬОВ – Дюрдьовски грекокатолїки у парохиї Рождества Пресвятей Богородици вчера и позавчером преславели Перши и Други дзень Крачуна по юлиянским календаре.
Пияток вечар на 22 годзин було Саночне, хторе служел о. Борис Холошняй, а за кларисами шпивали члени Холошняйовей фамелиї. На Вилїю ше у Дюрдьове ходзело по шпиваню по обисцох.
Нєшка на 9 годзин будзе Архиєрейска служба Божа, хтору будзе предводзиц наш владика Георгий Джуджар, а по Служби будзе мированє.