Нєсподзиваце ше як швидко и лєгко пририхтаце смачни колач – прави америцки сон.
Потребне:
2 шольки (150мл) цукру, лєбо 10 ложки
4 вайца
2 и пол шольки муки, лєбо 15 ложки
1 шолька млєка, лєбо 150мл
¾ шольки олєю, лєбо 100мл
1 мещок пращку за печенє
1 ложичка екстракт ванилиї.
За фил треба:
2 пудинґи од ванилиї
1 л млєка
200 ґр чоколади за варенє
100 ґр овоци: брусници, сухе грозно, щикани вишнї, боровници, шекани орехи/лїсковци и подобне
250 мл шметанки за варенє.
Цукер и вайца витрепац зоз миксером док ше цукер нє розпущи. Додац муку зоз пращком за печенє, млєко, олєй и ванилийов екстракт, та шицко добре витрепац.
До глїбокей тепши положиц папер за печенє и усипац цесто. Печиц на 175 ступнї, 30-40 минути.
Док ше цесто пече увариц пудинґ так як пише на мещку. До пудинґу додац овоц.
Упечене цесто такой виняц зоз рерни и треба го цале поджобац зоз варешку – направиц у цесту дзири. Вец го преляц зоз увареним пудинґом. Пудинґ треба же би пополнєл дзири у цесту.
Охабиц най ше шицко охладзи.
За ґлазуру треба вариц шметанку док нє почнє врец, а вец такой сцагнуц и додац чоколаду поламану на фалатки. Мишац док ше чоколада цалком нє розпущи. Преляц по колачу и охабиц най ше шицко добре охладзи.