Дюрдьовчанє госцую у Польскей

автор сас
1.1k Опатрене

ДЮРДЬОВ/ЛЕҐНИЦА (ПОЛЬСКА) – Члени Културно-уметнїцкого дружтва (КУД) „Тарас Шевченко” з Дюрдьова вчера вноци одпутовали на госцованє до Польскей, дзе наступя на 19. Медзинародним фолклорним фестивалє народносцох и етнїчних меншинох „Швет под Кичеру” у Леґници.

Госцованє будзе три днї, од пиятку по нєдзелю, а попри у Леґници, дюрдьовски ансамбл наступи и у вецей местох дзе ше отримує спомнути фестивал.

Дюрдьовчанє и прешлого року участвовали на Фестивалє „Швет под Кичеру”, хтори ше орґанизує на подручу одкаль ше розселєли Лемки, Русини, Руснаци и на нїм ше  представя їх културу, танєц, шпиванки и музику.

У Польскей госцує Виводзацка танєчна секция, соло-шпиваче, Дзивоцка шпивацка ґрупа и Тамбурови оркестер, а з ансамблом одпутовали и члени Управного одбору (УО) КУД, на чолє з предсидательом УО Миколом Кухаром.

ПОВЯЗАНИ ТЕКСТИ