НОВИ САД – Директорка Музичней школи „Исидор Баїч” Радмила Ракин-Мартинович и директор будовательней фирми „М ентериєр будованє” Марко Ивич вчера подписали Контракт о вибудови нового будинку Музично-балетскей школи зоз салу за концерти.
Будинок у Новим Садзе будзе на Лиману III, у блоку хтори формую Булевар цара Лазара, Улїца Народного фронту, Балзакова и Шекспирова, а главни уход будзе з Булевару цара Лазара.
Нова музична школа годна прияц 1 500 школярох и 200 наставнїкох, а балетска 600 школярох и 60 наставнїкох. Концертна сала будзе мац 400 места за публику, цо будзе и перша концертна сала у городзе. Планована є на основи сучасних принципох акустики, дзе поверхносц, форма, ґеометрия и материяли обезпеча найлєпши квалитет звука.