НОВИ САД – Нєпогода хтора позавчером вечар залапела Нови Сад направела вельку чкоду на древох ширцом городу и у пригородских населєньох, сообщело вчера „Городске желєнїдло”.
Накадзи нєпогода почала, два интервентни екипи „Городского желєнїдла” вишли на терен и по приявох гражднох скланяли стебла и конари з драгох и тротоарох.
До вчера склонєни вецей як 40 стебла и вецей стотки конари. Найцей интеревениї було на лиманох, окреме пре вивалени тополї при Ректорату, у Лиманским парку, а склонєне и єдно вельке стебло на Штранду.
У вчерайшей нєпогоди покалїчених нє було, а спричинєна менша материялна чкода.