РУСКИ КЕРЕСТУР – После дзевец рокох павзи, у Керестуре 31. марца знова реґистровани Шаховски клуб Русин, а на инициятиву Михайла Венчельовския, Бориса Варґу и Йоакима Гардия.
Члени Клубу ше буду и змагац у Медзиоштинскей лиґи Зомбор, а перше змаганє будзе 8. мая.
До Клубу можу присц шицки заинтересовани, котри нє муша участвовац и на службених змаганьох, як и тоти котри сцу научиц бавиц шах, понеже иницияторе основали и шаховску секцию за дзеци. Секция за дзеци роби вовторками на 20 годзин у просторийох СД Русин, у Старей школи.
Старши бавя штварток, на истим месце и у исти час, а придружиц ше можу шицки заинтересовани.