Отримани други Лєтнї фестивал ручних роботох

автор маф
912 Опатрене

КУЛА – Други Лєтнї фестивал ручних роботох отримани 31. авґуста, у Ленїновей улїци у Кули, а на нїм участвовали 25 викладаче зоз вецей войводянских местох и местох кулскей општини, а медзи нїма и Здруженя женох „Идея” з Кули и „Байка” з Руского Керестура.

Фестивал отворела Серафина Бики, предсидателька домашнього Здруженя женох „Идея” хторе и инициятор и орґанизатор тей смотри креативних членох числених здруженьох. Фестивал привитал и директор Туристичней орґанизациї Кула Владимир Станкович хтора потримала тоту манифестацию, вєдно з локалну самоуправу и Канцеларию за економски розвой Општини Кула.

10-festival kula 02

З тей нагоди виведзена и кратка културно-уметнїцка програма у хторей участвовали кулски КУД-а „Дурмитор”, „Непкер”, „Др Гавриїл Костельник”, дзеци з ПУ „Бамби” и ЗМНРО „Белава птица”.

Фестивал тирвал од 10 по 19 годзин, а як гваря орґанизаторе, нащивительох могло буц и вецей, алє ше наздаваю же ше то витвори з векшу информованосцу, бо їх задумка же би Фестивал постал традицийни и збогацел туристичне понуканє городу Кула.

10-festival kula 03

ПОВЯЗАНИ ТЕКСТИ