КОЦУР – Вчера у Коцуре почали роботи на адаптованю просторийох у хторих будзе шедзиско Подручней канцелариї Националного совиту (НС) Руснацох у тим месце. До адаптованя буду уложени 6 000 еври, а плановане же роботи буду закончени на єшень.
Оправянє започало з подрезованьом влаги (мурох), цо окончує подприємство „Гидроизолация Живанович” зоз Зомбора. Ушлїдза мулярски, малярски, кломферски роботи и поставянє електроичней инсталациї.
Роботи на Доме Руснацох, як є наволани, вчера обишол и предсидатель Националного совиту Руснацох Славко Рац, котри з предсидательом Подручней канцелариї Миколом Ґубашом опатрел просториї и бешедовал з виводзачами роботох.
Предсидатель НС Славко Рац з власнїком просторийох початком того мешаца подписал контракт о закупу того будинку на 75 и вецей мешаци, а кирия будзе срозмирна уложеному пенєжу до адаптованя.