ШИД – Предсидатель Покраїнскей влади Иґор Мирович зоз сотруднїками вчера, 1. септембра, нащивел општину Шид дзе го прияли найвисши руководителє локалней самоуправи, а на схадзки були и директоре явних подприємствох.
Як после розгваркох сообщел Мирович, на схадзки бешедоване о ушореню будуцей индустрийней зони при Адашевцох, а бешедоване и о ришованю проблема з воду за пице у вецей фрушкогорских валалох, як и о вибудови будинка Музичней школи чийо фундаменти уж роками стоя. Єй вибудов почала зоз средствами тедишнього Фонда за капитални укладаня.
Предсидатель Мирович, окрем Адашевцох, з домашнїма нащивел и познату Компанию за преробок меса „Аґропапук” у Куковцох дзе нащивени рибалов, а потим и прерабяцки погони, а було бешеди и о потримовки привреднїком у шидскей општини.
Предсидатель Општини Шид Предраґ Вукович, задовольни з нащиву, виявел же АП Войводина поможе шидскей општини у дальшим розвою, а рахує ше и на средства з републичного уровня.
