РУСКИ КЕРЕСТУР – Початком того тижня у Старим беґелю (беґельчику) у Руским Керестуре, односно беґелю КЦ-3, у часци хтора преходзи концом валала од Косанчичу и улїва ше до беґелю, знова найдзена здохнута риба.
Упутени нагадую же до здиханя векшого количества, углавним меншей риби, пришло од часц беґельчику хтори водзи од хладзальнї и фарми кравох. Здохнуту рибу векшином однєсла вода, а углавним ше затримовала у гущави у води и на других препреченьох.
Здиханє риби приявене инспокторки за защиту животного штредку Заходнобачкого округу у Зомборе, котра, после спатраня ситуациї, превжала одвитуюци крочаї.