РУСКИ КЕРЕСТУР – По вечаршей Служби Божей вчера, на швето Воведениє, у катедралней церкви означена пията рочнїца иснованя и роботи Центра Йосафата, котри основали и водза шестри Служебнїци НДМ.
Шестра Авґустина Илюк, котра и водзи Центер,прейґ фотоґрафиї на видео-биму здогадла на историят и активносци практичного и духового характеру Центру котри основани при манастире Шестрох Служебнїцох и Фондациї Йосафата.
У Центру ше окончую рижни активносци з котрима ше помага и роби добре тим цо у потреби, цо у духу животного намаганя сновательки ш. Служебнїцох блаженей Йосафати. У нїм зоз шестрами активни и волонтере рижних ґенерацийох, а за дзеци основане Дружтво св. Миколая.
Єдна ґрупа дзецох з того Дружтва на концу одшпивали шпиванку на чесц блаженей Йосафати, парох о. Владислав Варґа повинчовал рочнїцу, а шицки присутни одшпивали многолїтствиє.