РУСКИ КЕРЕСТУР – Зоз традицийну роботну акцию вичисцованя базену, хтора отримана всоботу, 20. юния урядово отворена сезона купаня.
Акцию орґанизовали Месна заєднїца Руски Керестур и ЯКП „Руском”, зоз помоцу членох Добродзечного огньогасного дружтва и школярох Основней школи и ґимназиї „Петро Кузмяк”, алє и других волонтерох зоз валалу.
На тот завод базен вимулєни и зоз нього вируцене шмеце хторе ше през рок назберало, офарбени боки базену над воду, шицки циви и драбинки.
По законченю удатней роботней акциї, орґанизаторе шицким учашнїком обезпечели полудзенок и ошвиженє на чарди Лонґов.
