НОВИ САД/ДЮРДЬОВ – Позавчерайши диждж и моцни витор претаргнул жатву жита, хтора на войводянских польох почала концом прешлого тижня. Як указали перши одкоси, урожаї и квалитет зарна задоволююци.
У зависносци од реґиону, спадло медзи 25 и 60 литри дижджу по квадратним метеру, та пре вельку влагу жатва претаргнута, а векши проблеми направел моцни витор хтори повалял жито и ярнї шаца.
У дюрдьовским хотаре жатва жита почала 24. юния, а пре моцни витор и диждж претаргнута є позавчером пополадню.
Дотерашнї паданя ище вше нє охабели векши пошлїдки на квалитет зарна.