НОВИ САД – Позавчером, 15. юлия, на Петроварадинске твердинї у Новим Садзе почал 16. Музични фестивал „Еґзит”, того року з назву „Еґзит – маґия”. Перши дзень на пол ноци бул орґанизовани вельки огньомет.
Гоч добра музика одгуковала на твердинї уж од початку, числена публика чекала гвизди вечара, котри наступели после пол ноци – на главней бини шпивала Ели Ґолдинґ, док на Денс арени шицку увагу позберали ди-джейове Димитри Веґас и Лайк Майк.
Вчера гвизда вечара бул шицким познати Дейвид Ґета, котри наступел на мейн стейджу, док нєшка, медзи другима, буду наступац и Ники Ромеро, Робин Шулц и Сем Фелт на Денс арени, а на главней бини буду наступац Д ваксинс, Модстеп диджей сет и други.
Други менши стейджи тиж добре нащивени, окреме Фюжн стейдж, на хторим наступели вецей домашнї виводзаче, Експлозив стейдж и други.