БАЧ – У Бачу нєшка и на ютре, 18. и 19. марца, будзе Зонска смотра рецитаторох зоз Заходнобачкого и Южнобачкого округу, на хторей у трох возростох участвую и тринацецеро рецитаторе по руски.
У младшим возросту нєшка ше буду змагац Ема Живкович з Руского Керестура, Иван Молнар, Марина Барна и Кристина Дюрянїн з Дюрдьова и Катарина Накич з Нового Саду.
У штреднїм возросту, тиж нєшка, у Бачу ше буду змагац Валентина Новта и Матей Шепински з Керестура, Катарина Недич з Коцура, та Валентина Михняк и Валентина Салаґ з Дюрдьова.
Змаганє рецитаторох у конкуренциї старшого возросту будзе отримане на ютре, а з писнями по руски участвую Мирослав Малацко и Павлина Шепински з Керестура и Марко Недич з Коцура.