РУСКИ КЕРЕСТУР – После удатней Манифестациї „Домашнї шпайз”, хтора отримана прешлого викенду, будзе отримана ище єдна, на ютре, 14. октобра.
Манифестация ше отримує у центру Руского Керестура, на хторей члени Здруженя женох „Байка”, „Младежского шпайзу”, и числени продукователє жимнїци з валалу и других местох предаваю свойо продукти.
Манифестация „Домашнї шпайз” почнє рано од 8 годзин, а плановане же будзе до пополадньових годзинох. Орґанизаторе поволую шицких заинтересованих нащивительох же би купели жимнїцу по вигодних ценох.
Орґанизаторе манифестациї Здруженє женох „Байка” з Руского Керестура, а проєкт потримала Општина Кула.