РУСКИ КЕРЕСТУР – Пилот построєнє за пречисцованє води котре поставене у будинку ЯКП „Руском” дочасово заварте пре технїчни проблеми и обачени нєдостатки у квалитету води.
Як за Рутенпрес потвердзела директорка Рускому Биляна Ковачевич, Руском реаґовал на першу заувагу гражданох, та пилот построєнє заварте такой пондзелок. Потим обачени нєдостатки приявени фирми котра ше стара о квалитету води и о отримованю пилот построєня, а найвироятнєйше же уж нєшка придзе фахова особа, технолоґ за воду и же кажда нєисправносц будзе одклонєна у найкратшим чаше.
Обчекує ше же гражданом Руского Керестура исправна вода за пице на пилот построєню будзе доступна того тижня.