КУЛА – Медзинародни дзень старших особох ше традицийно означує у Дому зa старих и пензионерох у Кули у рамикох манифестациї „Слункова єшень живота”, та так и того року орґанизоване друженє зоз танцом, поезию, писню и ошмихом.
У складзе зоз епидемийну ситуацию у обєкту у Кули отримана програма хтору порихтали хаснователє тей институциї.
Як цали мешац октобер пошвецени стараню о старших людзох, та так отримани роботнї и у просторийох у Руским Керестуре з нагоди Медзинародного дня старших особох.
Хаснователє Керестурского Дома за старих и пензионерох у єдней красней и правей єшеньскей атмосфери, зоз ошмихом и поезию дали свойо доприношенє тей манифестациї.
„Слункова єшень живота” то проєкт хтори „Нашо место” орґанизує зоз суфинансованих средствох зоз буджету општини Кула, а у цилю витворйованя и унапредзованя явного интересу у обласци явного информованя у 2022. року.