НОВИ ПАЗАР – Вовторок, 15. мая, на Атлетским стадиону у Новим Пазару отримане Державне школске атлетске першенство, на котрим участвовали Керестурци Филип Будински зоз Основней школи „Петро Кузмяк” и Дарян Белак зоз новосадскей штреднєй Транспортней школи „Пинки”.
Дарян Белак ше змагал у дисциплини бежаня на 1 000 метери, дзе завжал треце место, док Филип Будински на тот завод бул штвартопласовани у руцаню кулї.
Будинския на змаганю провадзела професорка физичного воспитаня у школи „Петро Кузмяк” и тренер Атлетского клубу „Русин” Саня Тиркайла, а Белака пририхтал Душко Миличич, тренер зоз Атлетского клубу „Войводина” з Нового Саду.