Ювилеї Костельниковей литературней творчосци означени у Заводзе

автор И. Сабадош, фото: В, Вуячич
253 Опатрене

НОВИ САД – У шедзиску Завода за културу войводянских Руснацох вчера, 24. априла отримани вечар пошвецени Гавриїлови Костельникови з нагоди значних ювилейох його литературней творчосци – того року полня ше 100 роки од обявйованя його „Єфтайовей дзивки”, першого ориґиналного драмского твора по руски, як и 120 роки од обявйованя першей кнїжки уметнїцкей поезиї на руским народним язику – Идилского венца „З мойого валала”.

О значносци тих двох дїлох за нашу литературу и културу на подїї хтору модеровал директор Заводу Саша Сабадош бешедовали академик Юлиян Тамаш, проф. др Дюра Гарди и доц. др Ана Римар Симунович. Медзитим, вони бешедовали и ширше о живоце и творчосци др Гавриїла Костельника о хторим повторене же бул велїкан свойого часу, нє лєм як основоположнїк нашого литературного язика и уметнїцкей литератури, алє и як национални будитель, теолоґ и духовнїк, автентични филозоф, вообще интелектуалєц европского ранґу.

ПОВЯЗАНИ ТЕКСТИ